Archive

Posts Tagged ‘Nucleare’

Contr’ a su Nucleare

21/12/2010 Leave a comment

Vota SI contras a su nucleare

Situ de su comitadu SI NONUCLE http://sinonucle.altervista.org/

Grupu de facebook http://www.facebook.com/pages/Comitato-Si-Nonucle/131361430238320

 

So progetande pagas arresonadas pro mustrare comente, a banda de sas ideas polìticas, b’at totu un’ordine de argumentos iscientìficos contra a su nucleare comente alternativa a su petròliu. Ant a èssere argumentos chi chiesisiat podet cumprendere e manigiare pro si fagher un’idea in generale, ma fintzas pro su referendum imbeniente in Sardigna.

S’idea est de partire dae su cuntzetu de radioativitade (naturale e artifitziale) e mustrare su dannu biològicu causadu da s’espositzione. A pustis bos chergio acrarare ite diferèntzia b’at tra su nucleare e ateros benenos (comente sos toscos chìmicos), in particulare in su cuntzetu de dose minima e de mortalitade. In sa parte de tres apo a ponnere in chistionu sa seguresa de sas tzentrales, in casu de intzidentes, ma pruscatotu cando si narat chi funtzionant bene secundu sos istandard. Un ateru problema mannu galu abertu chi est de importu presentare est sa mantesa de sos iscartos, chi a perigulosidade sunt cante che pare, si non peus, de su combustibile de comintzu.  Est doverosu fintzas irfaulare s’arresonu de su balàngiu econòmicu in su fraigu de tzentrales nucleare noas a dies de oe. A ùrtimu apo a mustrare cale sunt sas alternativas energèticas giae praticabiles, prus seguras e prus cumbenientes de su nucleare, siat economicamente, siat in arresonu de postos de traballu.

Sos argumentos ant a èssere prus o mancu custos:

  • Sa radioativitade
  • Su dose mìnima
  • Seguresa de sas tzentrales
  • Sos iscartos nucleares
  • Discumbènia econòmica
  • Alternativas energèticas

Cussitzos e criticas sunt benènnidos.  Istade acapiados!

Categories: Scièntzia Tags: , ,
%d bloggers like this: